arduino in power supply

السلام عليكم
عاملين ايه يارب تكونوا بخير
النهاردة حنعرف شوية حجات كده
حنبدا بالمكثف
وبعده حندخل على الموحد
وبعده حندخل على الليد
وقبل كل ده حندخل على المحول
وفى الاخر حنعمل مع بعض دايرة تحويل من تيار متردد بتاع البيت 220 فولت
لتيار مستمر اللى نقدر نستخدمه فى الاردينو 5 فولت
الموضوع سهل وجميل
نسمى كده ونبدا على  بركة الله

نبدا اول حاجة المحول transformer

ايه هو المحول
من اسمه  كده  انه حاجة  بتحول
بتحول ايه بقى بتحول  الفولت العالى لفولت قليل
لانه ببساطة هو ملفين الملف الاول بياخد ال 220 فولت يعمل بيهم مجال مغناطيسى
والملف التانى بياخد اللى هو محتاجه من المجال ده على حسب الفولت اللى عايزة وعدد لفاته

وللعلم ان المحول هى بداية فكرة نقل الكهرباء لاسلكيا وباذن الله ممكن نبقى نعمل المشروع ده مع بعض
بستخدمه فى ايه بقى
اغلب استخدامه فى دوائر التغذيه الكهربية علشان انا بحول من فولت البيت للفولت اللى انا عايز استخدمه
وطبعا لازم نتفق انه بيبقى فولت متردد
وازاى بوصله
المحول غالبا اربع اطراف او خمسه
 طرفبن دخل عالطول للكهربا 220 فولت والطرفين او 3 اطراف التانيين الخرج
المحول بيبقى مكتوب عليه اطراف الدخل والخرج

طب ياعم لو مش مكتوب
تبقى اسال الراجل بقى اللى اشتريت منه مش ساحر انا

ندخل على الموحدات Diode

المواحدات بتشمل على حجات كتيييير جدا او بمعنى اصح بتشمل انواع كتير وكل نوع له استخدامه المختلف خالص عن النوع التانى

طبعا مش حناخد الانواع كلها

حنبدا ب signal diode

ايه هو بقى البتاع ده
ده عنصر كده بيعدى التيار فى اتجاه واحد اما يعدى السالب ويوقغ الموجب
او يعدى الموجب ويوقف السالب وده على حسب توصيله

الدايود ده ليه استخدمات كتير المهم انك عرفت هو بيعمل ايه دلوقتى
وحناخد اول استخداماته وهى عمل قنطرة التوحيد
اللى هى بتحول التيار المتردد لتيار شبه مستمر
يعنى ايه شبه مستمر يعنى محتاجله كذا عنصر كمان لحد ما يبقى صافى

واللى عاوز يفهم نظرية عمل القنطرة يقدر يتابع دورة المهندس وليد عيسى
القنطرة ممكن اوصلها فى الدايرة باربع ديودات زى الصورة اللى فوق
وكمان اقدر اجبها جاهزة كعنصر واحد وديه اشكالها

وحنكمل نوع تانى من الموحدات

وهو الموحد الضوئى led

ببساطة كده هو لمبة بس شغالة على فولت صغير
ليه قطب موجب وقطب سالب

واقدر من الليد انى اوصله مع بعض واعمل بيه ال 7segment , ledmatrixe
بس طبعا الافضل اشتريهم جاهز بدل وجع القلب

ندخل على المكثف

بصوا المكثف ده عالم تانى
احنا حناخد النهاردة المكثف الكميائى

واعرف انى بستخدمه فى داوئر التغذية
انه بينعم الخرج بتاع القنطرة

وقيمته والفولت اللى بيستحمله مكتوب عليه

ده طبعا نقطة فى بحر شرح المكثفات اللى عايز يغوص فيه يدور وحيلاقى بسهولة
وانا باذن الله كل ما استخدمه فى حاجة حوضحه بسهولة باذن الله


ندخل بقى ونعمل مع بعض وحده تغذية لينا نستخدمها فى الاردينو او فى المشاريع بتاعتنا

 دائرة تغذية 5 فولت

ده مخطط الدايرة من الشمال لليمين
عندنا j1 سوكت وده حيتربط فيه سلك الكهربا
عندنا tr1 وده المحول من 220 الى 12 فولت
عندنا br1 وده قنطرة التوحيد
,c1 وc2 مكثفات
u1 منظم جهد 7805
j2 سوكت خرج الدائرة

واحنا شرحنا كل حاجة بتعمل ايه قبل كده

وده الدايرة 3D بس ديه مش شكل المكثفات فى الحقيقة اللى بالاصفر ديه
انا بس اللى مش متعمق فى ال 3D بتاع البروتس  :)

دايرة سهلة جدا واى حد ممكن يعملها واى حد عاوز مساعدة فيها انا موجود فى اى وقت


كده خلصنا محاضرة النهاردة

واتمنى انكوا تستفادوا
ولو بجزء بسيط جدا
وحنكمل معاكوا ومع بعض بنكمل حملة
#انشر_علم
ومتنسوش كورس ال plc اللى بدا تتقدروا تتابعوه من هنا
plczero
وكل الكورسات الحصرية على جروب input.courses

فى رعاية الله وحفظه والسلام عليكم