arduino in voltage regulator

السلام عليكم :)
عاملين ايه  يارب تكونوا بخير 
خلصنا  مع بعض شرح المقاومات  واللى عايزيعرف اكتر ادخل على جروب input courses حتلاقى كل الكورسات اللى تخطر على بالك 

حنعمل ايه بقى النهاردة ناخد محاضرة خفيفة  كده  

منظم الجهد voltage regulator

ايه  البتاع ده ياعم 
ديه حجات  لو عرفتوها  تبقوا عمد :)

ده ياسيدى منظم جهد يعنى عنصر كده لما احطه فى الدايرة  يطلعلى جهد ثابت 
لا لسه مش فاهم 

طب بص تخيل معايا كده انا عندى مصدر جهد بيطلع 9 فولت وعايز اخد منه  5 فولت بس 
ااجيب العنصر ده واحطه  
حيطلعلى 5 فولت صافى وثابت مش بيتتغير خالص وكده يريحت دماغى من حسابات الالكرونيات 

طب انا لسه مش فاهم برده هو ازاى بيثثبت كده الجهد

تخيل معايا كده عندنا حوض وبينزل فيه ماية كتير ايه اللى بيخلى  مستوى الماية ثابت  فتحتين يعملوا فقد فى شوية ماية 
شوف الصورة ديه كده 

 وزي اللى قولناه يطبق على منظم الجهد 
والجهد الزيادة بيستهلك على شكل حرارة 

طب الحرارة ديه عادى كده لا بنحط مبرد او مشتت حرارة مع العنصر علشان ميأثرش على كفاءة المنظم

طب الحرارة شكلها زيادة  اووووى 
كده يبقى انت مزود جهد المصدر او مختار منظم جهد غلط 
طب هو نا ازاى اختار منظم الجهد واعرفه ازاى 

تعالى نبدا بانك ازاى تعرف قيمة  منظم  الجهد
احنا عرفنا شكله  ناقص نعرف قيمته 
منظم الجهد بيببقى مكتوب عليه ديما

78xx

xx بتعبر عن الجهد اللى بيثبته

يعنى لو 7805  كده بيثبت جهد عند  5 فولت 
لو 7809 كده بيثببت الجهد  عند 9 فولت 
لو  7812 كده بيثبت جهد عند 12 فولت وهكذا 

طب الحرارة  الزيادة ديه من ايه 
للمنظم  جدول بسيط  كده بيعرفك اقصى جهد ممكن يتحمله  لمنظم لو زاد الجهد ده المنظم  بيسخن فوق الطبيعى وممكن يتحرق 

اخر حاجة نعرفها ازاى اوصله فى الدايرة 

حناخد مثال بسيط 
لبطارية 12 فولت وموتور بيشتغل ب 5 فولت 

ده الرسم النظرى 

وده الرسم العملى 
بكده نكون وصلنا لنهاية المحاضرة 
اى حد سؤال يسال 

واتمنى انكوا تستفادوا
ولو بجزء بسيط جدا
وحنكمل معاكوا ان شاء الله مع عنصر تانى
ومع بعض بنكمل حملة
#انشر_علم
ومتنسوش كورس ال plc اللى بدا تتقدروا تتابعوه من هنا
plczero
وكل الكورسات الحصرية على جروب input.courses

فى رعاية الله وحفظه والسلام عليكم

arduino in variable resistant

السلام عليكم  :)
عاملين ايه يارب تكونوا بخير :)
المرة الى فاتت اتكلمنا عن المقاومات  طب هو احنا كده خلصنا المقاومات
الاجابة لا :)
اللى احنا اتكلمنا فيه المرة اللى فاتت دييه مقومة  ثابتة
يعنى ايه ياعم
يعنى مقاومة حتفضل قيمتها ثابتة مهما عملت فيها
طب النوع التانى المقاومة المتغيرة
اقف شوية كده
انا اظن ان 50% عارف ان المقاومة المتغيرة هى ديه بس

المقاومة المتغيرة ليها انواع  كتير 

وقبل ما نعرف ايه انواعها 

اسال نفسك السؤال ده هى بتتغير بالنسبة  لايه 

يعنى لو  لزاوية دوران تبقى  الصورة اللى فوق 

ملخص انها ازاى بتشتغل 

عندى المقاومة وانا بلف المحور بايدى علشان ييغير من قمية الطرفين 

وهى ممكن اشغلها اكنها مقاومتين (مش لازم تركز فى الجزء ده )

علشان تفهمها اكتر صحصح وفوق كده واغسل وشك وبص على الصورة ديه

 يارب تكون وضحت لو حد عنده سؤال  اوعى  يتردد  اوعى  تكسف  ياعم
وممكن نفسرها بشكل  تانى اننا بنستخدمها بديل عن  مقاومتان 

ايه اللى انت بتقوله ده 

يعنى انا لوعايز حاجة احط فيها مقاومتين وعايز اغير قيمتهم كل شوية
تخيل بقى حفضل اشيل المقاومتين ابدلهم كل شوية انا كده  مش حخلص
نجيب بقى المقاومة المتغيرة ونلفها بكل سهولة ونجيب القيم المطلوبة :)
شوفت سهلة ازاى
وديه اشكال تانية

نسال نفسنا تانى المقاومة بتتغير بالنسبة لايه

بتتغير بالنسبة لمحور افقى واسمها  مقاومة انزلاقية وهى نفس طريقة عمل المقاومة  اللى  فاتت ومش منتشرة

نسال نفسنا تانى هى بتتغير بالنسبة لايه 
هى بتتغير بالنسبة لشدة الضوء

كده تبقى المقاومة الضوئية LDR

اللى عايزك  تعرفه دلوقتى ان  لما الضوء بيزيد او يقل المقاومة ديه قيمتها بتتغير 
وحنعمل مع بعض  الموديول بتاعها 

نسال نفسنا تانى هى بتتغير بالنسبة لايه 
هى بتتغير بالنسبة لدرجة الحرارة

وبرده اللى عايزك  تعرفه دلوقتى ان  لما الحرارة  بتزيد او بتقل المقاومة ديه قيمتها بتتغير 
وبرده حنعمل مع بعض  الموديول بتاعها 

بالنسبة للمقاومة الضوئية والحرارية حشرحها باذن الله بالتفصيل 
كل واحدة محاضرة بالتفصيل مع الموديول بتاعها 


بكده  نكون خلصنا محاضرة النهاردة  
معلش  على التاخير بس علشان ظروف شغل  :)

واتمنى انكوا تستفادوا
ولو بجزء بسيط جدا
وحنكمل معاكوا ان شاء الله مع عنصر تانى
ومع بعض بنكمل حملة
#انشر_علم
ومتنسوش كورس ال plc اللى بدا تتقدروا تتابعوه من هنا
plc zer0
وكل الكورسات الحصرية على جروب input courses

فى رعاية الله وحفظه والسلام عليكم

arduino in resistant

السلام عليكم
عاملين ايه يارب تكونوا بخير
حنبدا مع بعض النهاردة اول محاضرة
وحنتعلم عنصر موجود فى كل جهاز
المقاومة

ببساطة كده المقاومة يعنى حاجة بتقاوم
طب هى بتقاوم ايه
وايه فايدتها اصلا
المقاومة بتقاوم تدفق تيار معين من مصدر طاقة
مثلا زى البطارية
ونقدر نفهمها اكتر من الصورة الجاية ديه

ومن الصور الشهيرة اللى بتفهم اكتر برده

 وهنا بتبين ازاى المقاومة بتقاوم التيار والصورة اللى بعدها بتبين ازاى انها بتقلله

ومن الاخر كده نقدر نقول ان المقاومة ليها استخدمين

اول واحد انها بتحددلى قيمة شدة التيار

وتانى استخدام حماية بعض العناصر الاخرى

طب ازاى بتحمى العناصر

كده يبقى نصحصح علشان حندخل فى قانون اوم

وهو سهل جدا

طب انا عايز احسب مثلا قيمة مقاومة احطها قبل الليد علشان ميتحرقش
اعمل ايه
عالطول على قانون اوم برده بس مع اختلافات بسيطة جدا
او بمعنى اخر استخدام قانون اوم علشان حاجة عملى

جهد المصدر يعنى الجهد اللى انت موصله كالبطارية

الجهد المسحوب هو الجهد اللى الجهاز عاوزة علشان يشتغل وبيبقى موجود فى الداتا شيت

التيار المسحوب هو التيار اللى الجهاز بيسحبه وبيبقى برده مكتوب فى الداتا شيت

واخيرا المقاومة هى اللى عايز احسبها

حناخد مثال بسيط كده يوضح اكتر علشان الجزء ده مهم

فى الشكل اللى قدامك ده

عايزين نحسب فيمة المقاومة اللى متخليش الليد يتحرق وهو متوصل على بطارية 5 فولت

هنا جهد المصدر 5 فولت
الجهد المسحوب 3 فولت
التيار المسحوب 20 .ملى امبير
الدور عليكوا تطلعولى قيمة المقاومة بكام؟؟؟؟؟؟؟؟؟


المقاومات الثابتة اللى بتتباع فى السوق واللى احنا بنستخدمها ليها شفرة الوان كده

ايه بقى الشفرة العجيبة ديه

نبص على الصورة ديه مع بعض
ومعاها جملة

 سنحرص خزن مب

ايه بقى حكاية الجملة اللى قبل الصورة

ديه جملة بتسهل عليك حفظ جدول الالوان عن طريق تانى حرف من كل لون

ايه بقى الجدول ده
ده جدول لمقاومة ثابتة اربع الوان
اول وتانى عمود دول ارقام بتكتبها على حسب اللون
تالت عمود بتحط عدد اصفار على حسب اللون اللى موجود مثلا لو اللون اخضر احط مكانه 5 اصفا
رابع عمود وده نسبة التفاوت وعالطول اخر لون فى المقاومة اما ذهبى او فضى وده بيعرفك ازاى تقرى المقاومة

ناخد مثال كده

طب انا ياعم مش عايز الطريقة ديه
صح الدنيا اتطورت واحنا لازم ننجز

تقدر تحمل برنامج بيعرفك قيمة المقاومة عالطول انت بس بتدخله الالوان

http://www.4shared.com/rar/3xl4wCDu/colour_code.html

لو عايز تنجز من على موبيلك الاندرويد تقدر تحمل برنامح الكترودرويد
وده برده فيه حساب المقاومة اسهل كمان

https://play.google.com/store/apps/details?id=it.android.demi.elettronica

تانى تمربن تحلوه برده

وبكده نختم محاضرة النهاردة
واتمنى انكوا تستفادوا
ولو بجزء بسيط جدا
وحنكمل معاكوا ان شاء الله مع عنصر تانى
ومع بعض بنكمل حملة
#انشر_علم
ومتنسوش كورس ال plc اللى بدا تتقدروا تتابعوه من هنا plczero
وكل الكورسات الحصرية على جروب input courses

فى رعاية الله وحفظه والسلام عليكم

arduino in course :)

السلام عليكم :)
عاملين ايه  يارب تكونوا بخير :)
معادنا لبداية كورس الاردينو من تحت الصفر يعنى اللى ميعرفش حاجة خالص يبدا معانا وحيبقى محترف باذن الله

مش حطول عليكوا وحقولكوا الكورس حيمشى ازاى

باذن الله حنبدا اساسيات الالكترونيات واللى حنحتجها واحنا بنتعلم

طب تانى حاجة ايه
حنتعلم مع بعض المحاكاة على البروتس 

قشطة اووى 
لا استنى انت شوفت حاجة 
ايه كمان
حنتعلم ونصنع شوية module بسيطة

وبعدها حنبدا مع بعض رحلة الاردينو وبرمجته وكل اسراره وكل حاجة فيه

بداية الشرح حجبلكوا فديوهات وصور وانا حشرح بالكتابة باسلوب بسيط ان شاء الله
وفيه حجات حعملها فديوهات لحد مانوصل لمرحلة متقدمة واشوف مين مكمل معانا والشرح حيبقى محاضرات اون لاين :)

حيبقى فيه تمارين تعملوها لوحدكوا بعد كل محاضرة :)

ربنا يقدرنى واقدم لحضراتكوا محتوى شرح كويس ونسبة استفادة كويسة 

مش حتلاقوا اللى عندنا عند اى حد تانى :)

يالا بلغ كل اللى تعرفهم 
يالا
#انشر_علم

تقدروا تتابعوا كورس PLC
وكمان كل الكورسات فى مجالات مختلفة على جروب INPUT COURSES